ඇඟිලි සලකුණු තියන්න බැරි අය වෙන ජොබ් හොයා ගන්න… තැපැල් වර්ජකයන්ට ආණ්ඩුවෙන් රතු එලි…!
August 19, 2025 at 3:11 pm | by Namal
මේ වන විට වර්ජනයෙහි නිරත තැපැල් වෘත්තීය සමිති ඉදිරිපත් කළ ඉල්ලීම් 19ක් අතරින් ඉල්ලීම් 17ක් ඉටුකර ඇතැයි අමාත්ය නලින්ද ජයතිස්ස පවසයි.
එහෙත් දැනටමත් වැඩිකර ඇති අතීකාල තවත් වැඩි කිරීම සහ ඇඟිලි සලකුණු යන්ත්ර භාවිතය නතර කිරීම යන ඉල්ලීම් කිසිසේත් පිළිගත නොහැකි බවයි, ඇමතිවරයා අවධාරණය කළේ.
තැපැල් දෙපාර්තමේන්තුවේ අතිකාල ප්රමාණවත් නොමැති සහ ඇඟිලි සලකුණු යන්ත්රී භාවිතයට අකැමැති සේවකයන්ට වෙනත් රැකියා සොයාගත හැකි බව ද නලින්ද ජයතිස්ස ප්රකාශ කරයි.
මෙම ඉල්ලීම් කිසිසේත් ලබා නොදෙන දැඩි ප්රතිපත්තියක ආණ්ඩුව සිටින බවත් ජනතාව ද සිදුවන අපහසුතා දරා ගනිමින් මෙම ආයතන ගොඩනැඟීමේ රජයේ වැඩපිළිවෙළට සහයෝගය ලබා දිය යුතු බවත් ඔහු වැඩි දුරටත් ප්රකාශ කරයි.
රජයේ ප්රවෘත්ති දෙපාර්තමේන්තුවේ කැඳවා තිබූ මාධ්ය හමුවක් අමතමින් නලින්ද ජයතිස්ස මේ බව කීය.
