ආණ්ඩුව විසින් 2028 ඔලිම්පික් පදක්කමක් දිනා ගැනීම සඳහා සැලසුමක් සකස් කර ඇතැයි ක්‍රීඩා අමාත්‍ය සුනිල් කුමාර ගමගේ පවසයි.

ඒ අනුව කාණ්ඩ 4ක් යටතේ ක්‍රීඩකයන් 105 දෙනෙකු තෝරාගෙන පසුගිය අප්‍රේල් මස සිට මාසිකව රු. 210000, 110000ක් බැගින් ලබා දෙන බවද ඔහු පෙන්වා දෙයි.

පාලම් බෝක්කු හදන ආකාරයට ක්‍රීඩකයන් තැනිය නොහැකි බවත් ඒ සඳහා දිගුකාලීන සැලසුමක් අවශ්‍ය බවත් ඇමතිවරයා ප්‍රකාශ කරයි.

අප වැනිම ආර්ථිකයක් ඇති කියුබාව ඔලිම්පික් රන් පදක්කම් 18ක් ඇතුළු පදක්කම් 244ක් දිනාඇති නමුත් ලංකාව දිනා ඇත්තේ රිදී පදක්කම් දෙකක් පමණක් බවත් සුනිල් කුමාර ගමගේ සඳහන් කරයි.