මහා මැතිවරණය නිමා වී දින දෙකකට පසුව ජාත්‍යන්තර මූල්‍ය අරමුදලේ නියෝජිත කණ්ඩායමක් මෙරටට පැමිණෙන බව ජනාධිපති අනුර කුමාර දිසානායක මහතා පවසයි.

“මේ වන විට එය සම්පූර්ණයෙන් වගේ අවසන්, තව යම් ප්‍රමාණයක් තියෙනවා. 2028 දී තමයි අපි ණය ගෙවන්න පටන් ගන්නේ.

2028 දී අපි ගෙවිය යුතු ණය අපි ගණනය කරලා තියෙනවා. එම ණය පංගුව ගෙවිය හැකි ආර්ථිකයක් ආණ්ඩුවට හදන්න පුළුවන්. මහා මැතිවරණය නිමාවී දින දෙකකට පසුව IMF කණ්ඩායම ලංකාවට එනවා.

එවිට අපි 3න් වන සමාලෝචනය අවසන් කරලා ජනවාරි අග, පෙබරවාරි මුල වෙනකොට ඒ කටයුත්ත අවසන් කරනවා. එවිට ආර්ථිකයේ සැලකිය යුතු ස්ථාවරභාවයක් අපිට ලබාගන්න පුළුවන්.”

ජනාධිපතිවරයා මේ බව පැවසුවේ ඊයේ (11) පස්වරුවේ ගම්පහ පැවති ජන රැලියක් අමතමිනි.