අපි 160 දෙනාම පෞද්ගලිකව වැටුප් ගන්නේ නෑ… ඒක පක්ෂ අරමුදලට දාලා දෙන ගාණක් අපි ගන්නවා… ලෝකෙ කාටවත් එහෙම කරන්න බැරි වුණා…! – දේවානන්ද සුරවීර….
January 31, 2025 at 6:08 pm | by emanisa.lk
ජනාධිපතිවරයා සහ මන්ත්‍රීවරුන් 160 දෙනාගේම වැටුප පක්ෂ අරමුදලට බැර වන බවත් පෞද්ගලිකව වැටුප් නොගන්නා බවත් ජාතික ජන බලවේග පාර්ලිමේන්තු මන්ත්‍රී දේවානන්ද සුරවීර පවසයි.
“ජනාධිපතිතුමා ඇතුළු 160 දෙනාගෙම මන්ත්‍රී වැටුප යන්නේ පක්ෂ අරමුදලට. මේක ලංකාවේ නෙමේ ලෝක දේශපාලන පක්ෂවලටත් කරන්න බැරි වැඩක්. තනි තීන්දුවක්. ඒක තමයි විනය කියන්නේ.
අපට තියෙනවා සංස්කෘතියක්. අපි අපිව බලාගන්නවා. මට තියෙන ලොකුම ප්‍රශ්නේ තෙල් ටික ගහගන්න එකයි පෝන් බිලයි. මට කන්න දෙන්න ජනතාව ඉන්නවා. ඒ ප්‍රශ්නේ විසඳගන්න පක්ෂේ පැත්තෙන් උදව්වක් කරනවා නම් ඒක අපි භාර ගන්නවා.
වැටුප පෞද්ගලිකව ගැනීමයි, පොදුවේ අරන් පොදු සංස්කෘතියක් ගොඩනඟගෙන රටේ ජනතාවට සේවය කරන එකයි දෙකක්. ඒ දෙක සමපාත කිරීමම වැරදියි.”
පාර්ලිමේන්තුවෙන් ඍජුව වැටුප් ගැනීම සහ වැටුප පක්ෂ අරමුදලට බැර කොට ඒ හරහා වැටුප් ලබා ගැනීම යන දෙකම එක නොවේදැයි මාධ්‍ය ප්‍රශ්න කළ විට පාර්ලිමේන්තු මන්ත්‍රී දේවානන්ද සුරවීර මේ බව කීය.
