ජාතික ජන බලවේගය පොළොන්නරුවේ පැවැත් වූ ජන හමුව සඳහා සහභාගී වූයේ එම දිස්ත්‍රික්කයේ ජනතාව පමණක් නොවන බව හිටපු ජනාධිපති මෛත්‍රීපාල සිරිසේන පවසයි.

ඔවුන් ඒ සඳහා පොළොන්නරුව අවට දිස්ත්‍රික්කවලින් බස් යොදවා සෙනඟ ගෙන ආ බව ද තවත් විශාල පිරිසක් දුර බැහැර සිට දුම්රියෙන් පැමිණි බව ද හෙතෙම පෙන්වා දෙයි.

පොළොන්නරුවේ ජාතික ජන බලවේග ජන හමුව සඳහා 5000ක් එකතු කරගත්තේ එසේ බවයි, මෛත්‍රීපාල සිරිසේන අනාවරණය කළේ. එම පිරිස විශාල කොට පෙන්වීම කැමරාකරුවන්ගේ දක්ෂතාව බව ද හෙතෙම සඳහන් කරයි.

ජනතා විමුක්ති පෙරමුණේ සිටින්නේ දක්ෂ විවේචකයින් බවත් ඒ නිසා තරුණ පිරිසක් ජාතික ජන බලවේගය වටා ඒකරාශීව සිටින බවත් හිටපු ජනාධිපතිවරයා ප්‍රකාශ කළේය.

පසුගියදා කොළඹ පැවැති ජාතික ජන බලවේග ව්‍යාපාරික සමුළුව සම්පූර්ණයෙන් අසාර්ථක බවත් එහි පැමිණි ව්‍යාපාරිකයින් ජාජබ ආර්ථික වැඩපිළිවෙළ පිළිබඳ බෙහෙවින් අපැහැදී ඇති බවත් ඔහු වැඩි දුරටත් කීය.

හිරු රූපවාහිනිය සමග වැඩසටහනකට එකතු වෙමින් හෙතෙම මේ බව සඳහන් කළේය.

ජාතික ගැටලුවට විසඳුමක් ලෙස ඉදිරිපත් කර ඇති 13 වන ව්‍යවස්ථා සංශෝධනය සම්පූර්ණයෙන් බලාත්මක කළ යුතු බව ජනතා විමුක්ති පෙරමුණ ප්‍රමුඛ ජාතික ජන බලවේගය පවසයි.

කෙසේ වුව ද 13 වන ව්‍යවස්ථා සංශෝධනය ජාතික ගැටලුවට විසඳුමක් වේද යන්න පිළිබඳ සිය පක්ෂය තුළ සංවාදයක් ඇතැයි ද එම පක්ෂයේ පාර්ලිමේන්තු මන්ත්‍රීනි ආචාර්ය හරිනි අමරසූරිය පෙන්වා දෙයි.

ජනාධිපතිවරයා පොරොන්දු වූ පරිදි 13 වන සංශෝධනය බලාත්මක කරයි ද යන්න පිළිබඳ විශ්වාසයක් නොමැති බවත් ආණ්ඩුව අවංක උවමනාවකින් දෙමළ ජනතාවගේ ගැටලුව සඳහා විසඳුම් ලබා දිය යුතු බවත් ඇය සඳහන් කරයි.

සෙසු පක්ෂ දෙමළ ජනතාවගේ ගැටලු විසඳනු ඇතැයි නොසිතන බවත් එය සිදු කළ හැක්කේ ජාතික ජන බලවේගයට පමණක් බවත් ආචාර්ය හරිනි අමරසූරිය වැඩි දුරටත් ප්‍රකාශ කරයි.

ශ්‍රී ලංකාවේ ව්‍යවස්ථාව සැකසිය යුත්තේ රටේ ජනතාවගේ නිදහස සහ ආර්ථික සමෘද්ධිය ඉලක්ක කර මිස ඉන්දියාවේ සහ ඉන්දීය රූකඩ පාලකයන්ගේ අවශ්‍යතා අනුව නොවේ.

රටේ දුප්පත්කම මෙන්ම අකාර්‍යක්ෂමතාව ඇති වීමට පළාත් සභා ක්‍රමය බෙහෙවින්ම බලපා ඇති බව මිල්කො සමාගමේ සභාපති ලෙස කටයුතු කළ කාලයේ ද මට පැහැදිළිව දැකගත හැකි විය. උදාහරණයක් ලෙස රටේ කෘෂිකර්ම ඇමතිට සෘජු සම්බන්ධයක් නැති කෘෂිකර්මයකි පළාත් සභාහි ඇත්තේ. අපේ රටේ ව්‍යවස්ථාව සම්බන්ධ කතිකාවට රටේ ආර්ථික දියුණුව සඳහා අපේ ව්‍යවස්ථාව කෙබඳු විය යුතු ද යන්න අතිශයෙන් ආගන්තුකය. නමුත් එය අතිශයෙන් සහසම්බන්ධය.

අපට ජාති කුල මල භේද අමත කොට රටේ ආර්ථිකය නංවාලීමට උර දිය හැක්කේ කුමනාකාර ව්‍යවස්ථාවකින්දැයි යන කතිකාවට පණ දිය යුතුය. වෙනෙකක් තබා අද රටේ කිරි නැති වී ඇත්තේ ද මේ පළාත් සභා ක්‍රමය නිසාය. කිරි බිත්තර සඳහා ඇමතිවරයෙක් සිටිය ද ඇමතිට කළ හැකි කෙංගෙඩියක් නැත.

ලසන්ත වික්‍රමසිංහ

රිය අනතුරක් සිදුකිරීම සම්බන්ධයෙන් අත්අඩංගුවට ගත් කතෝලික සභාවේ මාධ්‍ය ප්‍රකාශක සිරිල් ගාමිණි පියතුමා වහාම පොලිස් ඇප මත මුදා හැර තිබේ.

සිරිල් ගාමිණී පියතුමා පැදවූ රථයෙහි ඊයේ හවස 5.30ට පමණ ගැටී ඇත්තේ කොම්පඤ්ඤ වීදියේ මාර්ගය අයිනේ නතර කොට තිබූ යතුරු පැදියක සිටි පුද්ගලයෙකි. ඔහුගේ කොඳු ඇට පෙළේ අස්ථි දෙකක් බිඳී ඇති බව අනාවරණය වීමත් සමග ඊයේ (01) රාත්‍රියේ ඔහු අත්අඩංගුවට ගෙන ඇත.

ඒ සමග ම අගරදගුරු මැල්කම් කාදිනල් රංජිත් පියතුමා බස්නාහිර පළාත් භාර ජ්‍යේෂ්ඨ නියෝජ්‍ය පොලිස්පති දේශබන්දු තෙන්නකෝන් දුරකතනයෙන් අමතා සිරිල් ගාමිණී පියතුමා පොලිස් ඇප මත මුදා හරින ලෙස දන්වා තිබේ.

ඒ අනුව ඊයේ රාත්‍රියේ අත්අඩංගුවට පත් සිරිල් ගාමිණී පියතුමා අද උදෑසනම පොලිස් ඇප මත නිදහස් කොට ඇත.

 

පක්ෂය හැර ගිය මන්ත්‍රීවරුන් පක්ෂයෙන් ඉවත් කිරීම සඳහා අවශ්‍ය නීතිමය උපදෙස් ලබා ගනිමින් සිටින බව ශ්‍රී ලංකා පොදුජන පෙරමු‍ණේ මහ ලේකම් සාගර කාරියවසම් පවසයි.

ශ්‍රී ලංකා පොදුජන පෙරමුණ හා සන්ධානාගත පක්ෂ සමග පැවැති විශේෂ රැස්වීමක දී මහ ලේකම්වරයා එම අදහස් පළ කළේය.

ජී.ඇල්. පීරිස්, ඩලස් අලහප්පෙරුම ඇතුළු සියලු දෙනාට එරෙහිව විනය ක්‍රියා මාර්ග ගෙන පක්ෂයෙන් නෙරපන බවත් හෙතෙම අවධාරණය කරයි.

නිදහස ජනතා සන්ධානය හෙවත් හෙලිකොප්ටරය කොයි මොහොතක හෝ නෙළුම් මාවතට හෝ මැදමුලනට කඩා වැටෙනු ඇතැයි ද සාගර කාරියවසම් ප්‍රකාශ කළේ මාධ්‍ය නැඟූ ප්‍රශ්නවලට පිළිතුරු දෙමිනි.

ඡන්දය කල් දැමීම සඳහා ජනාධිපති රනිල් වික්‍රමසිංහ කවර උපක්‍රම යෙදුව ද එය මාර්තු 09 වෙනිදා පැවැත්වීමට සිදුවන බව ජාතික ජන බලවේග නායක අනුර දිසානායක පවසයි.

ජනාධිපතිවරයා භීතියට පත්ව ඇත්තේ රටේ බලය සජිත්ට නොව මාලිමාවට යන නිසා බවයි, ඔහු ප්‍රකාශ කළේ.

සමගි ජන බලවේග ආණ්ඩුවක් යටතේ හොරකම නැති කොට, හොරුන්ට දඬුවම් දී, හොරා කෑ ධනය රාජ සන්තක කරන බව ද අනුර දිසානායක අවධාරණය කළේය.

සමන්තුරේ ඊයේ (31) පැවැති ජන හමුවක් අමතමින් හෙතෙම මේ බව කීය.

ඉන්දියාවේ ගීතයක් ජනප්‍රිය වීම ඇතැමුන් ජාත්‍යන්තරයට යාමක් ලෙස විශ්වාස කරන බව ප්‍රවීණ ගායක චිත්‍රාල් සෝමපාල පවසයි.

ඔහු මේ බව ප්‍රකාශ කළේ, යොහානි ද සිල්වා ගායනා කරන මැණිකේ මගේ හිතේ ගීතය ජාත්‍යන්තර වශයෙන් ජනප්‍රිය වීම පිළිබඳ අදහස් ප්‍රකාශ කරමිනි.

චිත්‍රාල් පෙන්වා දෙන යමක් කිරීමේ දී ඒ පිිළිබඳ ඉගෙන ගෙන ගත යුතු බවත් යොහානි එහි දී සීමා වන බවයි.

“ප්‍රවීණ සංගීතඥයෙක් වශයෙන් මම කියන්නේ එයා ලිමිටඩ් එතන. එක අතකින් පව් එයා. ඒ සිංදුව වෙනස්. මම ඒක ක්‍රිටිසයිස් කරනවා නෙමෙයි. නමුත් ක්‍රිටිසයිස් කරන්න පුළුවන් තැනක මම ඉන්නේ. මම කැමති නම් කැමතියි කියනවා.

අකමැති නම් අකමැතියි කියනවා. සමහරු හිතනවා මම ඊර්ෂ්‍යයායි කියලා. යොහානිගේ මැණිකේ මගේ හිතේ සිංදුව මම රස වින්දේ නැහැ.”

රූපවාහිනි වැඩසටහනකට එකතු වෙමින් චිත්‍රාල් සෝමපාල මේ බව සඳහන් කළේය.

13 වන සංශෝධනය බලාත්මක කරන ලෙස දේශපාලනඥයින් මිස නැගෙනහිර ජනතාව කිසිදු අවස්ථාවක ඉල්ලීම්ක කර නැතැයි නැගෙනහිර ආණ්ඩුකාරිනී අනුරාධා යහම්පත් පවසයි.

දේශපාලනඥයින් 13 වන සංශෝධනය ඉල්ලා සිටින්නේ සිය බලය තහවුරු කර ගැනීමට මිස ජනතාවට සේවය කිරීමට නොවන බවයි, ඇය අවධාරණය කළේ.

ජනතාවට රට කොටක් කිරීමේ කිසිදු අවශ්‍යතාවක් නොමැති අතර ඔවුන් ඒ පිළිබඳ භීතියට පත්ව ඇති බව ද අනුරාධා යහම්පත් සඳහන් කරයි. නැගෙනහිර සිංහල දෙමළ මුස්ලිම් ජනතාව ඉතා ම සමගියෙන් ජීවත් වන බව ද ඇය පෙන්වා දෙයි.

මධ්‍යම ආණ්ඩුව, පළාත් සභා, පළාත් පාලන ආයතන ලෙස පරිපාලන ක්‍රමවේද කිහිපයක් සඳහා වියදම් දැරීම මේ රටේ ආර්ථික අර්බුදයට ද හේතුවක් බවයි, ආණ්ඩුකාරවරිය පැවසුවේ.

තමා ආණ්ඩුකාර ධූරයට පත්වූයේ 69 ලක්ෂයේ ජන වරම යටතේ සෞභාග්‍යයේ දැක්ම වැඩපිළිවෙළ යටතේ බව ද එහි 13 බලාත්මක කිරීම පිළිබඳ කිසිදු සඳහනක් නොතිබූ බව ද අනුරාධා යහම්පත් වැඩි දුරටත් කීය.