මාධ්‍යවේදියකු මෙන්ම සමාජ ක්‍රියාකාරිකයකු වන වික්ටර් අයිවන් සහ ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ අතර විශේෂ සාකච්ඡාවක් පසුගියදා පැවැත්විණි.

නෙළුම් මාවත පක්ෂ කාර්යාලයේ පැවැති මෙම විශේෂ හමුවට වික්ටර් අයිවන් සහ තවත් සමාජ ක්‍රියාකාරීන් දෙදෙනෙක් එක්වූහ. බැසිල් රාජපක්ෂ සමඟ පොහොට්ටු මහ ලේකම් සාගර කාරියවසම්, මන්ත්‍රී රංජිත් බණ්ඩාර සහ සංජීව එදිරිමාන්න ඇතුළු පිරිසක් පැමිණ සිටියහ.

පසුගියදා සිදු වූ ආණ්ඩු පෙරළියට මූලික වූ අරගලය සම්බන්ධයෙන් විශේෂයෙන් මෙහි දී සාකච්ඡා කෙරිණි. අරගලයට බලපෑ සමාජ ප්‍රශ්න අතර වැඩි දෙනකුගේ අවධානයට යොමු නොවූ කුල පීඩනය ද වන බව මෙහිදී වික්ටර් අයිවන් පෙන්වා දී තිබිණි.

තමන් අරගලය ගැන විශේෂ අධ්‍යයනයක් කළ බව වැඩි දුරටත් පැවසූ හෙතෙම ලංකාවේ ප්‍රබල සමාජ ප්‍රශ්නයක් වන කුල පීඩනය තුරන් කිරීමට දේශපාලන පක්ෂ මැදිහත් විය යුතු බව අවධාරණය කර තිබිණි.

සමගි ජන බලවේග පාර්ලිමේන්තු මන්ත්‍රී හේෂා විතානගේ එම පක්ෂයේ සහකාර ලේකම් ධුරයෙන් ඉල්ලා අස්වී තිබේ.

එම ඉල්ලා අස්වීමේ ලිපිය පක්ෂයේ මහ ලේකම් රංජිත් මද්දුම බණ්ඩාර වෙත භාර දී තිබේ.

එක්සත් ජාතික පක්ෂයේ ඇති දුර්වලතා අනුමත නොකරමින් තමන් සමගි ජන බලවේගයට එකතු වුව ද එම පක්ෂයේ අන්තර්ගතය එජාපයට වඩා වෙනස් නැති බව ඔහු පවසා තිබේ.

ක්‍රියාකාරී තරුණයන්ගෙන් දක්ෂතා හා සුදුසුකම්වලට පක්ෂය තුළ තැනක් නොලැබෙන බැවින් තමන් තනතුරෙන් ඉල්ලා අස්වීමට තීරණය කළ බව ද ඔහු සඳහන් කරයි.

පසුගිය දා හිටපු ජනාධිපති ගෝඨාභය රාජපක්ෂ වර්තමාන ජනාධිපති රනිල් වික්‍රමසිංහට දුරකතන ඇමැතුමක් ගෙන තිබේ.

එහි දී හිටපු ජනාධිපතිවරයා පවසා දැන් රනිල් වික්‍රමසිංහ වට කරගෙන සිටින අයගෙන් පරිස්සම් වන ලෙසය.

තමන් ගෙදර යන තැනට වැඩ කළේ වටේ සිටි අය මිස දුර සිටි සතුරන් නොවන බව ද ප්‍රකාශ කොට ඇත.

අතිකාල දීමනා සීම කරන්නැයි මුදල් අමාත්‍යංශය නියම කර ඇතත් ලංකා ඛනිජ තෙල් නීති ගත සංස්ථාවේ ප්‍රධාන අංශ තුනක ඇතැම් නිලධාරීන්ට හා සේවකයන්ට මාසයකට පැය 150ක අතිකාල දීමනාවක් ගෙවන බව වාර්තා වේ.

විධායක නිලධාරින්ට රාත්‍රී 7.00 පසු නිවසට යාමට ආයතනයෙන් ප්‍රවාහන පහසුකම් ලබා දෙන අතර අතිකාල දීමනාවලට අමතරව, පැමිණීමේ දීමනාව සහ සියයට 4ක පොලියට වාහන ණය ලැබීමේ පහසුකම් ද හිමි වී තිබෙන බව ද එම වාර්තා සඳහන් කරයි.

මීට අමතරව ප්‍රධාන පෙළේ අංශ තුනක සේවකයන් රාත්‍රී 10.00 දක්වා අතිකාල සේවාවල යෙදී සිටින අතර සෙනසුරාදා සේවය වෙනුවෙන් සතියේ දිනක නිවාඩුවක් ද හිමිවන බව ද දැන ගන්නට ඇත.

පසුබෑමට ලක්ව තිබෙන මෙරට සංචාරක කර්මාන්තයට යහපත් බලාපොරොත්තු ඇති කරමින් ලොව හොඳම සංචාරක ගමනාන්ත 20 අතරට ශ්‍රී ලංකාව ද එක්ව තිබේ.

ලොව පුරා සංචාරය කරන්නන් අතර අතිශය ජනප්‍රිය ජර්මානු සංචාරක සඟරාවක් වන කෝඩි නාස්ට් ට්‍රැවලර් (Condé Nast Traveller) සඟරාව විසින් පවත් පවත්වන ලද පාඨක ඡන්ද විමසීමක ප්‍රතිඵල අනුව ශ්‍රී ලංකාව ලොව සංචාරය කිරීමට සුදුසු හොඳම රටවල් 20 අතරට තේරී පත්ව ඇතැයි වාර්තා වෙයි.

මෙම පාඨක සමීක්ෂණය අනුව ලද ප්‍රසාද ලකුණු ප්‍රමාණය අනුව ශ්‍රී ලංකාව ශ්‍රේණිගත කිරීමේ රැඳී ඇත්තේ 17 වැනි ස්ථානයේ වන අතර මෙම සඟරාව විසින් කරන ලද මත විමසුම අනුව ලොව හොඳම සංචාරක ගමනාන්ත තුන ලෙස තෝරාගෙන ඇත්තේ පෘතුගාලය, ජපානය සහ තායිලන්තය යන රටවල් බවද එම වාර්තා පෙන්වා දෙයි. මෙම ලැයිස්තුවේ ශ්‍රී ලංකාවට පහළින් ඊශ්‍රායලය, තුර්කිය සහ දකුණු අප්‍රිකාව රැඳී සිටී.

ශ්‍රී ලංකාව එලෙස වර්ග කිරීමට හේතු වූ කරුණු කාරණා පිළිබඳ මෙම සඟරාව මෙලෙස කෙටි සටහනක් දක්වා තිබේ. 2019 පාස්කු ඉරිදා බෝම්බ ප්‍රහාරයේ සිට වසංගතය දක්වා අභියෝග කිහිපයකට මුහුණ දී ඇති ලංකාව, ගෝලීය සංචාරක තරගකරුවකු ලෙස සිය ස්ථානය සුරක්ෂිත කර ගැනීමට මෑත වසරවල කටයුතු කර ඇත. එහි වෙ‍ෙළඳ ලකුණ වන ආගන්තුක සත්කාරය හරහා අමුත්තන්ගේ විශ්වාසය නැවත ලබා ගැනීමට අපේක්ෂා කරන අතර දිනෙන් දින පුළුල් වන හොඳ තත්ත්වයේ නව හෝටල් සහ නිවාඩු නිකේතනවල ලැයිස්තුව ද අමතක නොකළ යුතු බව එහි දක්වා තිබේ.

නව ශ්‍රී ලංකා නිදහස් පක්ෂයේ නායක පාර්ලිමේන්තු මන්ත්‍රී කුමාර වෙල්ගම ආණ්ඩු පක්ෂයට එක් වීම සඳහා සූදානම්ව සිටින බව වාර්තා වෙයි.

ආණ්ඩුවට එක්වී අමාත්‍ය ධූරයක් ලබා ගන්නා ලෙස ඔහුට ආණ්ඩුව පාර්ශ්වයෙන් ආරාධනා ලැබී ඇති අතර ඔහු ඒ පිලිබදව සාකච්ඡා පවත්වා ඇති බව ද ආරංචි මාර්ග පවසයි.

එහෙත් කුමාර වෙල්ගම ආණ්ඩුවට එක් වීම සම්බන්ධයෙන් පොදුජන පෙරමුණ පාර්ශ්වයෙන් යම් නොසතුටක් පළ කර ඇති ඇතැයි ද දැනගන්නට තිබේ.

කෙසේ නමුත් මීළඟ කැබිනට් අමාත්‍ය ලැයිස්තුවේ ඔහුගේ නමද ද ඇති බව දැන ගන්නට ඇත.

උත්තර ලංකා සභාගයේ නුවරඑළිය සමුළුව වෙනුවෙන් හඟුරන්කෙත සංස්කෘතික ශාලාව සකස් කර තිබූ වේදිකාවට සහ සැරසිවලට කිසියම් පිරිසක් ඊයේ (26) රාත්‍රී හානිකර තිබේ.

එහි දී කිසියම් පිරිසක් රැස්වීම සඳහා සකස් කර තිබූ පුවරු සහ සැරසිලි කඩා බිඳ දමා පුටු පෙරළා ඇත.

කෙසේ වුවද ඒවා නැවත සකස් කර රැස්වීම නියමිත පරිදි පැවැත්වීමට කටයුතු කළ බව වාර්තා වෙයි.

විමල් වීරවංශ ප්‍රමුඛ උත්තර ලංකා සභාගයේ රැස්වීම්වලට මෙයට පෙර ද බාධාකිරීම් සිදුවිය.

ප්‍රජාතන්ත්‍රවාදී මැතිවරණවලින් මිස කැරලිවලින් මේ රටේ ආණ්ඩු මාරු විය යුතු යැයි තමා විශ්වාවස නොකරන බව හිටපු අමාත්‍ය නාමල් රාජපක්ෂ පවසයි.

එසේ නොවී නම් මහින්ද සුළඟ රැලියේ දී මිලියනක ජනතාවක් ගාලු මුවදොරට ගෙන ආ අවස්ථාවේ රාජ්‍ය ආයතන වෙත කඩා වදින්නට තිබූ බවයි, හිටපු ඇමැතිවරයා ප්‍රකාශ කළේ.

රටේ පාර්ලිමේන්තුව කැරලිකරුවන් අතට පත් වුවහොත් මෙරට ප්‍රජාතන්ත්‍රවාදය අවසන් වන බැවින් ජනාධිපතිවරයා එහි ආරක්ෂාව සඳහා අධි ආරක්ෂිත කළාප නම් කිරීම වැදගත් බව ද නාමල් රාජපක්ෂ ප්‍රකාශ කළේය.

ඉතිහාසය පුරා කැරලි ගසා ආණ්ඩු බලය ඩැහැ ගන්නට උත්සාහ කළ පිරිස ද මෙවර ද ඒ සඳහා සූදානම් වුව ද ඒවා සාර්ථක නොවනු ඇති බව ද හෙතෙම අවධාරණය කළේය.

අඟුණුකොලපැලැස්ස ප්‍රදේශයේ අද (25) ජන හමුවකට සහභාගී වීමෙන් අනතුරුව මාධ්‍ය වෙත අදහස් දක්වමින්