ෆොන්සේකා ජාතික ආරක්ෂාව ගැන අවිනීත අසත්‍ය ප්‍රකාශ කරනවා! ඔහු හමුදාපති සමයේ එක දිනයක සෙබළු දහස් ගණන බැගින් මිය ගියා! – ජනපති (video)

August 16, 2019 at 9:54 am | by emanisalk

ආණ්ඩුවේම ඇතැම් පිරිස් ජාතික ආරක්ෂාව දුර්වල බව කියමින් සිදු කරන අවිනීති ප්‍රකාශ නිසා ජාතික ආරක්ෂාව සම්බන්ධව ජනතාව තුළ සැකයක් උපදින බවත් ජාතික ආරක්ෂාව ඉතා ශක්තිමත් ලෙස විධිමත්ව පවත්වා ගෙන යන අවස්ථාවක එවැනි ප්‍රකාශ නිසා එය රටේ ඉදිරි ගමනට අයහපත් ලෙසින් බලපාන බව ජනපති මෛත්‍රීපාල සිරිසේන පැවසීය.

මහනුවර ජනපති මැදුරේදී අද (15) පැවැති මහනුවර ඇසළ පෙරහර සමාප්ති උත්සවයේදී ජනපතිවරයා මේ බව ප්‍රකාශ කළේය.

සරත් ෆොන්සේකා හමුදාපතිවරයා වශයෙන් සිටියදී එක තැන එක දිනයක් තුළ හමුදා සෙබළුන් දහස් දහස් ගණනින් මිය ගිය බවද ජනාධිපතිවරයා සිහිපත් කළේය.

කිසිම වගකීමක් නැති මෙවන් ප‍්‍රකාශ නිසා ජනතාව තුළ බියක් ඇති වන බවද කී ජනාධිපතිවරයා දේශපාලන න්‍යාය පත්‍ර අනුව ජාතික ආරක්ෂාව සම්බන්ධයෙන් කරන අවිනීත විවේචන රටට ඉතාමත් අහිතකර බවද කියා සිටියේය.

පසුගිය අප්‍රෙල් මස 21 දින එල්ල වූ ප්‍රහාරයෙන් පසු ඉතා කෙටි කාලයක් ඇතුළත රටේ ආරක්ෂාව තහවුරු කිරීමට ආරක්ෂක අංශ කටයුතු කළ බවත් අයහපත් මෙන්ම පහත් දේශපාලන සංස්කෘතියක් රටේ ක්‍රියාත්මක වන බවත් සාමාන්‍ය ජන ජීවිතය යථා තත්ත්වයට පත්වෙමින් තිබෙන අවස්ථාවක ආණ්ඩුව නියෝජනය කරන ඇතැම් දේශපාලනඥයින් කළ වගකීම් විරහිත ප්‍රකාශ හා ඊට සම්බන්ධ පිරිස් පෞද්ගලික හා දේශපාලන වාසි සඳහා කරනු ලබන අවිනීති විවේචන රටට අහිතකර ලෙස බලපාන බවත් මෙවර මහනුවර ඇසළ පෙරහර මංගල්‍යය නැරඹීමට පැමිණි ජනතාව තරමක් අඩු වීමට එය හේතුවූ බව ද ජනපතිවරයා පැවසුවේය.

පසුගියදා පැවති මාධ්‍ය හමුවකට එක්වෙමින් එක්සත් ජාතික පාර්ලිමේන්තු මන්ත්‍රී, ෆීල්ඩ් මාර්ෂල් සරත් ෆොන්සේකා පවසා සිටියේ පාස්කු ඉරිදා ප්‍රහාරයට සම්බන්ද ත්‍රස්තවාදීන්ගෙන් 50% ක් තවම නිදැල්ලේ සිටින බවය.

  •   
  •   



Leave a Reply

Your email address will not be published. Required fields are marked *

මුල් බිස්ස