හිටපු අගමැති මහින්ද අත්අඩංගුවට ගනු..!

May 10, 2022 at 3:36 pm | by emanisa.lk

හිටපු අග්‍රාමාත්‍ය මහින්ද රාජපක්ෂ, හිටපු අමාත්‍ය ජොන්ස්ටන් ප්‍රනාන්දු, බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකොන් ඇතුළු පිරිසක් අපරාධ නිතියට අනුව වහාම අත්අඩංගුවට ගෙන අධිකරණයට ඉදිරිපත් කරන ලෙසට ඉල්ලමින් නිතීඥවරුන් පිරිසක් අද (10) පොලිස් මූලස්ථානයට පැමිණීල්ලක් ඉදිරිපත් කර ඇත.

ගාලුමුවදොර උද්ඝෝෂකයින්ට මෙන්ම අරලියගහ මන්දිරය ඉදිරිපිට පැවැති සාමකාමී විරෝධතා ව්‍යාපාරවලට බීමතින් කඩා වැදී අයුතු ජන රාශියක සාමාජිකයන් වෙමින් එහි සිටි පිරිසට පහර දී අලාභ හානි සිදුකර සාපරාධී බියගැන්වීමකට කුමන්ත්‍රණය කර ආධාර අනුබල දුන්නැයි ඔවුනට එරෙහිව චෝදනා කරමින් මෙම පැමිණිල්ල ඉදිරිපත් කර තිබේ.

සමගි නිතීඥ සංගමය සහ ප්‍රජාතන්ත්‍රවාදී නිතීඥ එකමුතුවේ නිතීඥ කමල් විජේසිරි, නිතීඥ තුසිත ගුණසේකර, නිතීඥ රජිත ලක්මාල් සහ නිතීඥ නිශාන්ති වෙත්තසිංහ ඇතුළු පිරිසක් විසින් මෙම පැමිණීල්ල පොලිස් මූලස්ථානයට සිදුකරනු ලැබූහ.

අරලියගහ මන්දිරයේ පැවැති උත්සවයක් සඳහා පිට පළාත්වල 3000ක පමණ ජනතාවක් බස් රථවලින් කොළඹට ගෙන්වා අග්‍රාමාත්‍යවරයාගේ දේශනයෙන් පසු, මසකට වැඩි කාලයක් ‘මයිනා ගෝ ගම” සහ “ගෝඨා ගෝ ගම” යන ස්ථානවල  විරෝධාවේ යෙදුණු සාමකාමී විරෝධතාකරුවන්ට පහර දී සාපරාධී බියගැන්වීමට කුමන්ත්‍රණය කර ආධාර අනුලබල දීමේ චෝදනාව යටතේ මෙම අයවලුන් වහාම අත්අඩංගුවට ගෙන අධිකරණයට ඉදිරිපත් කරන ලෙසට එම පැමිණීල්ලේ සදහන් වේ.

මෙම අපරාධය කුමන්ත්‍රණය කිරීමට චේතාන්විතව අනුබල දීමේ චෝදනාව යටතේ හිටපු අග්‍රාමාත්‍ය මහින්ද රාජපක්ෂ, හිටපු අමාත්‍ය ජොන්ස්ටන් ප්‍රනාන්දු, හිටපු රාජ්‍ය අමාත්‍ය සනත් නිශාන්ත ඇතුළු සිද්ධියට අදාළ සියලුම පාර්ශ්වයන් වහාම අත්අඩංගුවට ගන්නා ලෙස ද එම පැමිණීල්ලේත දක්වා තිබේ.

මෙම අපරාධය වන තුරු බලාසිට එය වැළැක්වීමට නිත්‍යානුකූලව කටයුතු නොකරමින් සිටි බස්නාහිර පළාත් ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකොන් සහ මෙම සිද්ධියට අදාළව රැඳවියන් කලහකාරී සහ අපරාධමය වැරදිවලට යොමුකිරීමට අදාළ බන්ධනාගාර කොමසාරිස් ජනරාල් තුෂාර උපුල්දෙණීය යන අයට එරෙහිව ලංකා දණ්ඩ නිති සංග්‍රහය යටතේ පරික්ෂණයක් සිදුකර ඔවුන් සියලු දෙනාම අත්අඩංගුවට ගෙන අධිකරණයට ඉදිරිපත් කරන ලෙසට නිතීඥවරුන් සිය පැමිණීල්ලෙන් ඉදිරිපත් කර ඇත.

 
 


Leave a Reply

Your email address will not be published.

මුල් බිස්ස