කොවිඩ් මර්දන ෆයිසර් එන්නත හම්බන්තොටට ලබා දුන්නේ තරුණ ඇමතිගේ අවශ්‍යතාව මත බව සමගි ජන බලවේග පාර්ලිමේන්තු මන්ත්‍රී චම්පික රණවක සඳහන් කරයි.

එන්නත් සමග දේශපාලන ක‍්‍රීඩාවේ නොයෙදෙනැයි තමන් ඉල්ලා සිටින බව ද මන්ත‍්‍රීවරයා පැවසීය.

පාසල් දරුවන්ට ලබා දීමට සුදුසු බවට දැනට පිළිගෙන ඇති ෆයිසර් එන්නත මෙරට පාසල් සිසුන්ට ලබා දී එළැඹෙන ජනවාරි මාසයේවත් පාසල් පටන් ගන්නා ලෙස ඉල්ලා සිටින බව ද හෙතෙම කීය.

අද මුළු සෞඛ්‍ය අමාත්‍යාංශය ම, සෞඛ්‍ය යාන්ත්‍රණය ම අවුල් වී ගොස් ඇති බවත් ඊට හේතු වී ඇත්තේ දේශපාලනඥයින් විසින් එන්නත්කරණය තම අතටගැනීම බවත් පාඨලී රණවක කියා සිටියේය.

කොළඹ පැවති මාධ්‍ය හමුවක් අමතමින් ඔහු මෙම අදහස් පල කරන ලදී.