සංචාරක දකුණු අප්‍රිකානු කණ්ඩායම සහ ශ්‍රි ලංකා කණ්ඩායම අතර පැවැති අවසාන එක්දින තරඟය ලකුණු 78කින් ජය ගැනීමට ශ්‍රි ලංකා කණ්ඩායම සමත් විය.

තරඟයේ කාසිය වාසිය දිනා පළමුව පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 50 තුළ කඩුලු 9ක් දැවී ලකුණු 203ක් ලබා ගත්තේය.

පිළිතුරු ඉනිම සඳහා පිටියට පිවිසි සංචාරක දකුණු අප්‍රිකානු කණ්ඩායම පන්දු වාර 30ක් තුළ සියලු දෙනා දැවී රැස් කළේ ලකුණු 125ක් පමණි.

පන්දු යැවීමේදී තම එක්දින පළමු තරඟය ක්‍රීඩාකළ මහේෂ් තීක්ෂණ කඩුලු 4ක් දවා ගත් අතර ඔහුගේ පන්දු යැවීම මංගල එක්දින ජාත්‍යන්තර තරඟයක දී ශ්‍රී ලංකා ක්‍රීඩකයෙකු වාර්තා කළ හොඳම පන්දු යැවීම ලෙස වාර්තා වෙයි.

ඒ අනුව ඛෙත්තාරාම ක්‍රීඩාංගණයේ දී පැවති මෙම තරඟාවලිය 2-1ක් ලෙස ජයග්‍රහණය කිරීමට ශ්‍රී ලංකා කණ්ඩායම සමත් විය. ශ්‍රී ලංකාව ද. අප්‍රිකාවට එරෙහිව එක්දින ක්‍රිකට් තරඟාවලි ජයක් ලබා ගත්තේ වසර 08කට පසු ය.