එක්සත් ජාතික පෙරමුණු ජනාධිපති අපේක්ෂක සජිත් ප්‍රේමදාසගේ මැතිවරණ වේදිකාවක් අමතමින් සිටි ෆීල්ඩ් මාර්ෂල් සරත් ෆොන්සේකාට වහාම සිය කතාව නතර කරන ලෙස දැනුම් දීමට සංවිධායකයින් කටයුතු කර ඇත.

ඒ සමග කෝපයට පත් සරත් ෆොන්සේකා ප්‍රසිද්ධියේම ඊට විරෝධය පළකරමින් බැණ වැදුණු අතර තමාට කතාව නතර කරන ලෙස කිසිවකු මෙතෙක් නියෝග කර නොමැති බවත් සඳහන් කළේය.

ඒ අවස්ථාව වන විට සරත් ෆොන්සේකා මැතිවරණ කොමසාරිස්වරයාට බැණ වදිමින් සිටි අතර ෆීල්ඩ් මාර්ෂල් ධුරය දේශපාලන කටයුතුවලට අවභාවිත නොකරන ලෙස මැතිවරණ කොමසාරිස්වරයා ඔහුට ආරක්ෂක ලේකම් මාර්ගයෙන් ලිඛිතව දැනුම් දී තිබේ.