ලංකාවේ ප්‍රධාන හෙරොයින් ජාවාරම්කරු මම නම් දැන් රටේ කුඩු හිඟයක් තියෙන්න ඕන! – මාකඳුරේ මදූෂ්

May 11, 2019 at 7:41 am | by admin

මහා පරිමාණයෙන් කුඩු බිස්‌නස්‌ කරන තවත් ජාවාරම්කාරයො පිරිසක්‌ ශ්‍රී ලංකාවේ ඉන්නවා. බන්ධනාගාරයේ ඉන්න වෙලේ සුදා ඇතුළු පිරිසක්‌ කුඩු බිස්‌නස්‌ එක ජයටම කරගෙන යනවා යෑයි අත්අඩංගුවට ගෙන සිටින මාකඳුරේ මධුෂ් නමැති පාතාල නායකයා පොලිස්‌ ප්‍රශ්න කිරීම් හමුවේ හෙළිකර ඇත.

මම ශ්‍රී ලංකාවේ ප්‍රධානම හෙරොයින් ජාවාරම්කාරයා නම් මේ වෙනකොට වෙළෙඳපොළේ හෙරොයින් හිඟයක්‌ ඇතිවෙන්න ඕනේ. ඒත් වෙළෙඳපොළේ ඕන තරම් හෙරොයින් තිබෙනවා යෑයි ද මාකඳුරේ මධුෂ් ප්‍රශ්න කිරීම් හමුවේ වැඩිදුරටත් අනාවරණය කර තිබේ.

ශ්‍රී ලංකාවේ ධන කුවේරයන් ලෙස පෙනී සිටින විදේශිකයන් කිහිප දෙනකුම මෙම හෙරොයින් ජාවාරමේ මහා පරිමාණයෙන් නිරතවන බව ද මධුෂ් හෙළිදරව් කර ඇත.

අත්අඩංගුවේ පසුවන පාතාල නායකයකු මෙන්ම ශ්‍රී ලංකාවේ අංක එකේ හෙරොයින් ජාවාරම්කරු බව කියන මාකඳුරේ මධුෂ්ගෙන් මෙම හෙරොයින් ජාවාරම් පිළිබඳ කළ ප්‍රශ්න කිරීම් හමුවේ මේ බව අනාවරණය කර තිබේ.

පසුගිය කාලයේ කොළඹ සහ තදාසන්න ප්‍රදේශවලදී මෙන්ම මහ මුහුදේදී අත්අඩංගුවට ගත් හෙරොයින්වලින් වැඩි ප්‍රමාණයක්‌ තමා විසින් එවූ හෙරොයින් බව මාකඳුරේ මධුෂ් පිළිගෙන ඇති බව ද වාර්තා වෙයි.

 
 


Leave a Reply

Your email address will not be published. Required fields are marked *

මුල් බිස්ස