රනිල්ගේ උප්පරවැට්ටිවලට අපි ඉඩ තියන්නේ නෑ…! – චන්දිම වීරක්කොඩි….

July 11, 2024 at 3:48 pm | by emanisa.lk

ජනාධිපති රනිල් වික්‍රමසිංහ මහතාට සිය ධූර කාලය තව වසරකින් දීර්ඝ කර ගැනීම සඳහා පාර්ලිමේන්තුව තුළ කිසිදු ඉඩක් නොදෙන බව පාර්ලිමේන්තු මන්ත්‍රී චන්දිම වීරක්කොඩි මහතා පවසයි.

“මතක තියාගන්න රනිල් වික්‍රමසිංහ මහත්තයෝ පාර්ලිමේන්තුවේ ඉන්න මන්ත්‍රීවරුන් අතර මිනිස්සුන්ගේ ඡන්දයේ ගෞරවය ආරක්ෂා කරන බහුතරයක් ඉන්නවා. ඔලුවෙන් හිටගත්තත් ඔය තුනෙන් දෙක ලැබෙන්නේ නැහැ. ඒ වගේම ඒ ගත්තත් මැතිවරණ කොමිසම කෙළින් ඉන්නවා නම් ඒ වැඩේ කරගන්න බැහැ.

හැබැයි මේ කරන්න හදන්නේ උසාවි ගියාට පස්සේ දින14 ඇතුළත අනිවාර්යෙන් උසාවියෙන් කියනවනේ ජනමත විචාරණයක් අවශ්‍යයි කියලා. පාර්ලිමේන්තුවේ තියෙනවා 62(2) වගන්තිය අනුව පාර්ලිමේන්තුවේ ධූර කාලයත් අවුරුදු පහයි. ජනාධිපතිගේ කාලයත් අවුරුදු පහයි. හැබැයි ජනාධිපතිගේ ධූර කාලය දැන් අවසන්. පාර්ලිමේන්තුවේ ධුර කාලය තව අවුරුද්දක් තියෙනවා.

ඒ නිසා තව අවුරුද්දක් ජනාධිපතිගේ ධුර කාලය දික්කරොත් එහෙම මේ රටේ ජනාධිපති ඡන්දෙයි පාර්ලිමේන්තු ඡන්දෙයි එකට තියන්න පුළුවන් කියල අදහසක් කියන්න පුළුවන්. මොකද විදුලි බිලත් අඩුකරන්න යනවා. අස්වැසුමත් තව පිරිසකට දෙන්න යනවා, ප්‍රතිපාදන නොදුන්න මන්ත්‍රීවරුන්ටත් ප්‍රතිපාදන දෙන්න හදයි. මේ ජනාධිපති තව අවුරුද්දක් තියා ගත්තොත් මේ රටට සුබ අනාගතයක් කියල ජනමත විචාරණයට සූදානම් වෙනවා කියන උප්පරවැට්ටිය දාන්න හදන්නේ කියල ඔබතුමා කියන්න කලින් අපි දන්නවා.”

මන්ත්‍රීවරයා මෙම අදහස් පළකළේ සමඟි ජන බලවේගයේ මාධ්‍ය හමුවට එකතු වෙමිනි.

 
 


Leave a Reply

Your email address will not be published. Required fields are marked *