රට සාමකාමී ලෙස ඉදිරියට යන අවස්ථාවක දේශපාලකයන් ජනතාව උසි ගන්වා ජනතාව කුපිත කරවා ප්‍රශ්න ඇති කිරීම ලැජ්ජා සහගත බව ඇමති රවී කරුණානායක පවසයි.

ජනතාව උසි ගන්වන අසමගිය වර්ධනය කරන විහිළු සැපයීම නතර කළ යුතු බව පැවසූ ඇමතිවරයා ශ්‍රී ලංකා සිංහල බෞද්ධ රටක් බව පිළිගෙන කටයුතු කළ යුතු යැයි ප්‍රකාශ කළේයය.

මෙවැනි ගැටුම්කාරී අවස්ථාවක රට තුළ ඉතා පහසුවෙන් ප්‍රචණ්ඩත්වය ඇති කළ හැකි බවත් සමහරු ඒ සඳහා උල් පන්දම් දෙන බවත් පෙන්වා දුන්නේය.

මේ අවස්ථාවේ එකම රටක් එකම ජාතියක් සහ එකම නීතියක් යන තේමාව යටතේ රට ඉදිරියට ගෙන යා යුතු බව ද ඔහු අවධාරණය කළේය.