පුත්තලම ප්‍රාදේශීය ලේකම් කාර්යාලයේ රාජකාරීවල නිරත වන නිලධාරින් පිරිසක් අද (13) සේවයට වාර්තා නොකර ලෙඩ නිවාඩු දැමීමෙන් කාර්යාල කටයුතු සම්පූර්ණයෙන් අඩාල විය.

පුත්තලම ප්‍රාදේශීය ලේකම් කාර්යාලයේ මුස්ලිම් නිලධාරිනියන්ට කාර්යාලය තුළදී පර්දාව සහ අබාය හැඳ රාජකාරිවල නිරත නොවන ලෙසට දැනුම්වත් කර තිබිය දී ඔවුන් දිගින් දිගටම එම ඇඳුම භාවිත කිරීමට මෙම විරෝධතාවට හේතු වී තිබේ.

මේ හේතුවෙන් පුත්තලම ප්‍රාදේශීය ලේකම් කාර්යාලයේ සියලුම කටයුතු සම්පුර්ණයෙන්ම අඩාල වී තිබු අතර මුස්ලිම් නිලධාරින් හා නිලධාරිනියන් පිරිස පමණක් සේවයට පැමිණ සිටි ආකාරය දැක ගත හැකි විය.