වේළුපිල්ලේ ප්‍රභාකරන් ඇතුළු ඔහුගේ දරු පවුල අවසාන යුද සමයේ හමුදාවට භාර වූ බව හිටපු අමාත්‍ය එස්.බී. දිසානායක පවසයි.

ඒ සඳහා ඉන්දියානු සහ මැලේසියානු තානාපති කාර්යාල බලපෑම් කළ බවත් ඝාතනය නොකරන බවට පොරොන්දු කරවා ගෙන මෙලෙස භාර වූ බවත් හිටපු ඇමතිවරයා අනාවරණය කරයි.

කෙසේ වුව ද ඔවුන් භාර වූ වහා එවක ආණ්ඩුව විසින් එම පිරිස ඝාතනය කළ බව ද මහින්ද රාජපක්ෂ සමග කේන්තියෙන් පසුවන්නේ ඒ නිසා බවත් ඔහු සඳහන් කරයි.

විජේවීර මෙන්ම ප්‍රභාකරන් ද ඝාතනය කිරීමේ වරදක් නොමැති බවත් එසේ නොකළේ නම් යුද්ධය ජයග්‍රහණය කළ නොහැකි බවත් එස්.බී. දිසානායක අවධාරණය කරයි.

මාධ්‍යෙවේදී ශාන් ගනේගොඩ සමග සාකච්ඡාවකට එකතු වෙමින් එස්.බී. දිසානායක මේ බව පවසා තිබේ.