ශ්රී ලංකා මහ බැංකු අධිපති ආචාර්ය නන්දලාල් වීරසිංහ මහතා, ලෝකයේ ඉහළම ශ්රේණිගත කිරීම ලැබූ මහ බැංකු අධිපතිවරුන් අතරට තේරී පත්වීමට සමත්ව තිබේ.
මෙම වසරේ මහ බැංකුකරුවන්ගේ ප්රගති වාර්තාවේ ඉහළම ශ්රේණිය වන A ශ්රේණිය ලබාගත් මහ බැංකු අධිපතිවරුන්ගේ නම් ග්ලෝබල් ෆයිනෑන්ස් සඟරාව පසුගියදා ප්රකාශයට පත් කර ඇත.
ඒ අනුව ශ්රී ලංකා මහ බැංකු අධිපති ආචාර්ය නන්දලාල් වීරසිංහ මහතාද A ශ්රේණියෙන් පිදුම් ලබා තිබෙන බව සඳහන් වේ.
මහ බැංකුකරුවන්ගේ ප්රගති වාර්තාව 1994 වසරේ සිට ග්ලෝබල් ෆයිනෑන්ස් සඟරාව වාර්ෂිකව ප්රකාශයට පත් කරනු ලබන අතර ප්රධාන රටවල්, කලාප සහ දිස්ත්රික්ක 100 කට අධික සංඛ්යාවක මහ බැංකු අධිපතිවරුන් ග්ලෝබල් ෆයිනෑන්ස් සඟරාව විසින් මෙම ශ්රේණිගත කිරීමට ඇතුළත් කරනු ලබන බව පැවසේ.
උද්ධමනය පාලනය, ආර්ථික වර්ධන ඉලක්ක සපුරා ගැනීම, මුදල් ඒකකයේ ස්ථාවරත්වය සහ පොලී අනුපාත කළමනාකරණය කිරීම සැලකිල්ලට ගනිමින් ග්ලෝබල් ෆයිනෑන්ස් සඟරාව ශ්රේණි ගත කිරීම කරනු ලබයි.