කොවිඩ් තත්ත්වය පහව යමින් සංචාරක ව්‍යාපාරය නැවත ඉහළ නැඟීමේ අවස්ථාවට රට පැමිණ ඇතැයි ජනතා විමුක්ති පෙරමුණ පවසයි.

රටට නැවත ඩොලර් ටිකක් උපයාගත හැකි එක ම මාර්ගය සංචාරක ව්‍යාපාරය බව ද එම පක්ෂයේ හිටපු පළාත් සභා මන්ත්‍රී නලින් හේවගේ පෙන්වා දෙයි.

එහෙත් පාස්කු ප්‍රහාරය වැනි තවත් ත්‍රස්ත ප්‍රහාරයක් එල්ල විය හැකි බවට ප්‍රසිද්ධ නාලිකා ඔස්සේ ප්‍රචාරය කිරීම ඊට අවාසිදායක ලෙස බලපාන බව ද ඔහු අවධාරණය කරයි.

එසේ ම ප්‍රධාන රෝහල්වලින් බෝම්බ හසු වෙද්දී රටට සංචාරකයින් පැමිණෙනු ඇත්දැයි හෙතෙම ප්‍රශ්න කරයි.

මේ නිසා ජාතික ආරක්ෂාව පිළිබඳ විශාල ගැටලුවක් නිර්මාණය වී ඇති බව ද නලින් හේවගේ සඳහන් කරයි.