පාර්ලිමේන්තුව නැවත කැඳවීමට සියලු දෙනා එකතු විය යුතු යැයි හිටපු පාර්ලිමේන්තු මන්ත්‍රී මංගල සමරවීර පවසයි.

ට්විටර් පණිවිඩයක් නිකුත් කරමින් ඔහු පෙන්වා දෙන්නේ කොරෝනා උවදුර මර්දනය කරන මුවාවෙන් ගෝඨා හිතවාදීන් අගමැතිවරයා ප්‍රමුඛ මන්ත්‍රීවරුන් 225 දෙනා සහිත පාර්ලිමේන්තුව වැදගැම්මකට නොමැති සංකල්පයක් ලෙස හුවා දක්වමින් සූක්ෂ්ම ලෙස ප්‍රජාතන්ත්‍රවාදය සහ පාර්ලිමේන්තුව අවප්‍රමාණ කරමින් සිටින බවය.

සමගි ජනබලවේගය ජනත විමුක්ති පෙරමුණ සහ දෙමළ ජාතික සන්ධානය ද නැවත පාර්ලිමේන්තුව කැඳවන ලෙස ඉල්ලා සිටිය ද පසුගියදා අගමැති මහින්ද රාජපක්ෂගේ ප්‍රධානත්වෙයන් රැස්වූ පක්ෂ නායක හමුවේ බහුතර පිරිසකගේ අදහස වූයේ එවැනි අවශ්‍යතාවක් නොමැති බවය.

කෙසේ වුවද මංගල සමරවීරගේ ට්විටර් පණිඩිඩයට දැඩි විරෝධයක් එල්ල වී ඇති අතර සියලු දෙනාම ඔහුට සහ එජාපයට බැණ වදිමින් අදහස් පළ කර ඇති අතර එක් අයකු විමසා ඇත්තේ පසුගිය පාස්කු ප්‍රහාරය එල්ල වූ අවස්ථාවේ සක්‍රීියව පැවති පාර්ලිමේන්තුවෙ එය වළක්වා ගැනීමට කුමක් කළේද කියාය.

එහෙත් එම්.ඒ. සුමන්දිරන් මංගල සමරවීරගේ පණිවිඩය අගය කරමින් සිය ගිණුම ඔස්සේ  ද බෙදාහැර තිබේ.

එම පෝස්ටුව සහ ප්‍රතිචාර බලන්න

Democracy and Parliament insidiously undermined in the guise of fighting C19 ; attacks on PM and 225 MPs originate as ideas from ‘hell’ coordinated by GR confidante. Wake up and unite to reconvene Parliament : NOW! Parliamentary democracy, despite all its flaws is still the best.

— Mangala Samaraweera (@MangalaLK) March 31, 2020