විමල් වීරවංශ සහ උදය ගම්මන්පිලගේ අමාත්‍යාංශවල විෂය පථවල වෙනස්කම් කරමින් නව කැබිනට් සංශෝධනයක් සිදු කිරීමට සූදානම් වන බව ඉරිදා දිවයින වාර්තා කරයි.

එසේ ම ශ්‍රී ලංකා නිදහස් පක්ෂයට තවත් ඇමැති ධූර තුනක් ලබා දීමට ද සූදානමක් ඇතැයි එහි වැඩි දුරටත් වාර්තා වෙයි.
රටේ ඉදිරි සංවර්ධන සහ ආර්ථික ඉලක්කයන් කඩිනම් කිරීම සඳහා මෙම නව කැබිනට් සංශෝධනය සිදුකිරීමට තීරණය කර තිබේ.
එසේ ම නව කැබිනට් සංශෝධනය යටතේ ලබාදෙන ඇමැති ධූර භාර ගැනීමට ශ්‍රීලනිපය කැමැත්ත පළ කර ඇතැයි සඳහන් ය.
මෙම නව කැබිනට් සංශෝධනයේ ද සෞඛ්‍ය, පොලිසිය, කම්කරු සහ අධ්‍යාපන යන අමාත්‍යාංශවල ඇමැති ධූරවල සංශෝධනයක් වනු ඇතැයි ද එම අමාත්‍යාංශ සඳහා කාර්යක්ෂම තරුණ ඇමැතිවරුන් පත් කෙරෙනු ඇතැයි ද වාර්තා වේ.