චීනය විසින් ශ්‍රී ලංකාවේ උතුරේ දූපත් තුනක ඉදිකිරීමට සැලසුම් කර තිබුණු විදුලිබල ව්‍යාපෘති අත්හැර දැමූ බව ශ්‍රී ලංකාවේ චීන තානාපති කාර්යාලය පවසයි.

තුන්වැනි පාර්ශ්වයක් විසින් මතු කළ ආරක්ෂාව සම්බන්ධ ගැටලුවක නිසා මෙම ව්‍යාපෘති අත්හැර දැමූ බව චීන තානාපති කාර්යාලය නිකුත් කළ ට්විටර් පණිවිඩයකින් දැක්වෙයි.

එසේම ශ්‍රී ලංකාවේ ව්‍යාපෘති තුන අත්හැර දැමූ සයිනෝ සෝර් හයිබ්‍රිඩ් ටෙක්නොලජි චීන සමාගම මාලදිවයිනේ දූපත් 12 ක සූර්ය බලාගාර පිහිටුවීම සඳහා එරට රජය සමග පසුගිය 29 වැනිදා ගිවිසුම් අත්සන් කළ බවත් එම ට්විටර් පණිවිඩයේ වැඩිදුරටත් සඳහන්.