අශ්වයා ගිය පසු ජනපති නැවතත් ඉස්තාලය වසයි!

March 17, 2019 at 11:31 am | by admin

ශ්‍රී ලංකා ආණ්ඩුව ඉදිරි කාලයේදී ගනු ලබන සියලුම ජාත්‍යන්තර කටයුතුවලට අදාළ තීරණවලට තමන්ගේ පූර්ව අනුමැතිය ගත යුතු යැයි ජනාධිපතිවරයා විදේශ අමාත්‍යවරයාට නිල වශයෙන් දැනුම් දුන්නේය.

ඔහු මෙම දැනුම් දීම කළේ පසුගිය අඟහරුවාදා පාර්ලිමේන්තුවේදී සිය කාර්යාලයට විදේශ අමාත්‍යවරයා සහ විදේශ ලේකම්වරයා කැඳවීමෙන් පසුවය. මෙම සාකච්ඡාවට අග්‍රාමාත්‍ය රනිල් වික්‍රමසිංහ මහතාද එක්විය.

ජිනීවා මානව හිමිකම් සමුළුව සඳහා ශ්‍රී ලංකාව වෙනුවෙන් ඉදිරිපත් කෙරෙන විශේෂ යෝජනාවට අනුග්‍රාහකත්වය දැක්වීමට එහි සිටින ශ්‍රී ලංකා නිත්‍ය නියෝජිතයා තමන්ගේ අනුදැනුමකින් තොරව අත්සන් තැබීම ගැන ජනාධිපතිවරයා මෙහිදී විදේශ අමාත්‍යංශ බලධරයන්ට දෝෂාරෝපණය කර ඇත.

මින් ඉදිරියට තමන්ගේ අනුදැනුමකින් තොරව ජාත්‍යන්තර කටයුතු සම්බන්ධව තීන්දු ගතහොත් තමන් ඊට නිසි ප්‍රතිචාර දක්වන බවද ජනාධිතිවරයා ප්‍රකාශ කළ බව ජනාධිපති කාර්යාලය පවසයි.

  •   
  •   


Leave a Reply

Your email address will not be published. Required fields are marked *

මුල් බිස්ස