අන්තිම මොහොතේ සජබ හැංගෙයි… කථානායක ධුරයට නිතරඟයෙන් ජගත් වික්‍රමරත්න…!
December 17, 2024 at 10:46 am | by emanisa.lk
නව කථානායකවරයා ලෙස ජාතික ජනබලවේගයේ පාර්ලිමේන්තු මන්ත්‍රී වෛද්‍ය ජගත් වික්‍රමරත්න මහතා නිතරඟයෙන් තේරී පත්විය.
ඒ අද (17) උදෑසන පාර්ලිමේන්තු කටයුතු ආරම්භ කිරීමෙන් අනතුරුවය.
නව කථානායකවරයා වෙනුවෙන් වූ යෝජනාව අග්‍රාමාත්‍ය හරිනි අමරසූරිය විසින් ගෙන ආ අතර සභා නායක බිමල් රත්නායක විසින් විසින් එය ස්ථීර කරනු ලැබීය.
10 වන පාර්ලිමේන්තුවේ කථානායකවරයා ලෙස තේරී පත්වූ අශෝක රංවල මහතා එම ධුරයෙන් ඉල්ලා අස්වීමෙන් පසු කථානායක ධුරය පුරප්පාඩුව තිබුණි.
මේ අතර සමගි ජන බලවේගයෙන්ද කථානායක ධුරය සඳහා මන්ත්‍රීවරයෙකු ඉදිරිපත් කරන බවට එම පක්ෂය ප්‍රකාශ කර තිබුණ ද ඒ සඳහා නමක් යෝජනා කළේ නැත.
