අටපාස් නැති විමල් ආර්ථික කොරිඩෝවක් ගැන කියන්නේ බොරු! අපි ඇමරිකාව එක්ක ආර්ථික කොරිඩෝ එකක් නෙමේ හතරක් හදනවා!

March 24, 2019 at 4:12 pm | by admin

ති‍්‍රකුණාමලයේ සිට කොළඹ දක්වා ඇමරිකාවට දෙන්න යනවා කියලා. මේ රටේ මිනිස්සු බිය වැද්දීම තමන්ගේ දේශපාලනය කර ගත්තු තක්කඩින්ගේ පට්ටපල් බොරු චෝදනාවක් යැයි මහානගර හා බස්නාහිර සංවර්ධන අමාත්‍ය පාඨලී චම්පික රණවක මහතා පවසයි.

අමාත්‍යවරයා මේ බව පැවසූවේ නාගරික සංවර්ධන අධිකාරිය මගින් සිදු කරනු ලබන දීප ව්‍යාප්ත ජනපියස ජංගම සේවා වැඩසටහනේ ගම්පහ දිස්ත‍්‍රික් වැඩසටහනට සහභාගී වෙමිනි.

එහිදී අදහස් වැඩිදුරටත් දැක්වූ අමාත්‍යවරයා,

මේ රටේ ප‍්‍රධාන ආර්ථික කොරිඩෝ 4ක් ජාතික භෞතික සැලැස්මෙන් අඳුරගෙන තිබෙනවා. එකක් තමයි කොළඹ සිට ති‍්‍රකුණාමලයට තිබෙන කොරිඩෝව. අනෙක තමයි ගාල්ලේ සිට තිස්සමහාරාමයට, අනෙක යාපනයේ සිට කිලිනොච්චියට. අනෙක වාලච්චේනේ සිට අම්පාරට. ඊට අමතරව වෙනත් නගරත් ඇතුල්කර  තිබෙනවා.

මේක බුද්ධිමතුන් 3,000 කට අධික ප‍්‍රමාණයක් විවිධ ක්‍ෂෙත‍්‍රවල ගවේෂණයක් කරලා ජනගහන ව්‍යාපෘතිය ගැන බලලා, ජල සම්පත ගැන බලලා, ඒ වගේම ඉඩම් අයිතිය ගැන බලලා, ප‍්‍රායෝගික අනෙකුත් යටිතල පහසුකම් ගැන බලලා කරපු විශ්ලේෂණයක්.

මෙය නිර්මාණය කළේ විදේශිකයෝ නෙමෙයි දේශීය විද්‍යාඥයින්. අට පාස් නැති තක්කඩි දේශපාලකයෝ මේවට යම් යම් දේවල් ප‍්‍රකාශ කළැයි කියල ජනතාව කුලප්පු වෙන්න එපා. මොකද මේක වෘත්තීයවේදීන් හදපු දෙයක්. දේශපාලන වාචාලයෝ කරපු වැඩක් නෙමේ යැයි පැවසීය.

  •   
  •   


Leave a Reply

Your email address will not be published. Required fields are marked *