අකුරැස්ස ඌරුමුත්ත ප්‍රදේශයේ දී පසුගිය 22 දා පොලිස් නිලධාරියකු වෙඩි තබා ඝාතනය කළ සැකකරු අද අලුයම පොලිසිය සමග ඇති වූ වෙඩි හුවමාරුවක දී මරුමුවට පත්ව ඇත.

අද උදෑසන සැකකරු අත්අඩංගුවට ගැනීමට පොලිසිය පැමිණි අවස්ථාවේ 56 හැවිරිදි මෙම සැකකරු නැවත වරක් පොලිසියට වෙඩි තබා ඇති අතර පොලිසිය පෙරළා වෙඩි තබා තිබේ.

එම වෙඩි ප්‍රහාරයෙන් තුවාල ලැබූ සැකකරු අකුරැස්ස රෝහලට ඇතුළු කිරීමෙන් පසු මරුමුවට පත්ව තිබේ. මොහු නීති විරෝධී මත්පැන් ජාවාරම්කරුවකු බව පැවසෙයි.